woh tu Khusbhuu hai havaaon may bkhar jaayegaa
masalaa phuul ka hai phuul kidhar jaayegaa
ham tu samajhay thay kay eik zakam hai bahr jaaayegaa
kyaa khabar thii kay rag-e-jaan may uter jaaayegaa
woh havaaon kii terha khaanaa_bajaa.N phirataa hai
ek jhonkaa hai jo aayegaa guzar jaayegaa
woh jab aayegaa tu phir us kii rafaaqat key liyeah
mausam-e-gul meray angan may tahar jaayegaa
aakhirash woh bhii kahiin ret pe baithiii hogii
teraa yah pyaar bhii dariyaa hai utar jaayegaa
Parveen Shakir
No comments:
Post a Comment