kathann hay rahguzar thorri duur saath chalo
boht karra hay safar thorii duur saath chalo
tamaam umr kahan koi saath deta hay
yeh janta hoon magar thorii duur saath chalo
nashay main chuur hoon main bhee tumhain bhee hosh nahin
barra maza ho agar thorri duur saath chalo
yeh aik shab kee mulaqat bhee ghaneemat hay
kissay hey kal kee khabar thori duur saath chalo
abhee to jaag rahay hain chiragh rahon kay
abhee hay duur sahr thorii duur sath chalo
tawaf-e-manzil-e-janaan hamain bhee karna hay
faraz tum bhee thori duur agar saath chalo.
No comments:
Post a Comment