Shabnam k Aansoo-on say

Shabnam k Aansoo-on say Gul-on pay Shabaab hay
Aey Inqalaab - e- Dehr, Yeah kiya Inqalaab hay

Jiss shae ko dekhta hun wo hay Jazib-e-Nazar
Duniya kissi Haseen Takhaiyul ka Baab hay

Dil ko Ulat Palat kar Dukhaanay say Faida
Keh tto diya k Teer-e-Nazar Kamyaab hay

Unkee Nigaah-e-Mast ka Allah ray Faraib
Jaisay k Aaj raqs mein Jam-e-Sharaab hay

Yeah Sehn-e-MaeKaddah hay zara Sanbhal k Chalo
Bikhra hua Yaheen pay Kaheen Mera Shabaab hay

Pehlay tto Raheen-e-Munnatt-e-Sehba thi Zindagi
Ab Zindagee hee Ik Mujassam Sharaab hay

Iss Waqt MaeKadey mein jo Aaye haen Shaikh Jee
Maaloom ho Raha hay kay Niyyat Kharaab hay

Zulm-o-Sitam karain ya karain Iltefaat-e-khas
Itna tto hay kay hum pay Nigaah-e-Janab hay