Tera Ehsaas Jo Khushbo Ki Tarhan Rehta Hai
Merey Seenay Main Mohabbat Ko Jila Deta Hai
Jaanta Hoon Mohabbat Hai Aqeedat Ka Faraib
Phir Bhi Aik Shaks Merey Dil Main Basa Rehta Hai
Jin Ki Yaadon Main Guzaray Thay Khizaan K Mousam
Wohi Aik Shaks Mohabbat Main Dagha Deta Hai
Rah Main Tootay Huay Kaanch K Tukray Ki Tarhan
Aik Nishtar Sa Merey Dil Main Chubha Rehta Hai
Ab Tu Mojain Hi Muqaddar Hain Mohsin Apni Magar
Door Sahil Pay Khara Kon Sada Deta Hai
No comments:
Post a Comment