Husun Se Kub Woh Duur Huwa Hai
Dil Se Jo, Majbur Huwa Hai
Zalim Pe Jo Magroor Huwa Hai
Iss Ka Dil Be Noor Huwa Hai
Naam Bohut Shireen Hai Iss Ka
Furhad Ek Mazdur Huwa Hai
Laila Laila Kehte Kehte
Case Bohut Mashur Huwa Hai
Churte Suraj Ki Pooja Toh
Duniya Ka Dastur Huwa Hai
Iss Ne Diya Jo Dag - e Judaye
Rashkh - e -Chirag Taur Huwa Hai
Daire Mein, Umeedon Hi K
Hur Insaan , Mahsoor Huwa Hai
Apne Hi Ghar Ko Jis Ne Luta
Rah Bur - e - Jamhur Huwa Hai
Yaad Jub Aye Shehzad Un Ki
Shad Dil - e - Ranjur Huwa Hai
No comments:
Post a Comment