Zindagi ki Tapti Dhoop

Zindagi ki tapti dhoop mai ek thanda saya paya hai mai ne

Jab kholi aankh to apni maa ko muskorata howa paya hai mai ne

Jab bhi maa ka naam liya, 

os ka beshomaar pyar paya hai mai ne

Jab koi dard mehsoos howa, jab koi mushkil aayi 

Apne pehlo mai apni maa ko paya hai mai ne

Jaagti rahi who raat bhar mere liye

Jaane kitni raatein, osay jagaya hai mai ne

Zindagi ke har moadh(mor) par, jab howi gumrah mai

Iski hidaayat par, pakarli seedhi raah mai ne 

Jis ki dua se har moseebat loat jaye,

aisa farishta paya hai mai ne

meri har fiker ko janne wali,

mere jazbaaton ko pehcanne wali,

aisi hasti payi hai mai ne

Meri zindagi sirf meri maa hai,

Isi ke liye to,Is zindagi ki shama jala rakkhi hai mai ne

Zindagi

Ham samjhte hain k zindagi mehaz dukh sukh ka aik khail hai....

Laikin......

1. Phool khilne par parinde NE kaha........ ..

Zindagi qudrat ki khoobsorati ka raz hai.

2. Phool NE kaha......

Zindagi chand ghantoon ki kahani hai

3.Garoob hote huye sooraj NE kaha.....

Zindagi k rang mein baqa nahi

4.Hirni NE kaha........

Zindagi dhor dhoop ka naam hai

5.Jungle NE kaha.......

Zindagi khamoshi ka naam hai.

6. Sciencdan NE kaha.....

Zindagi ejadat ka naam hai.

7. Nakaam aashiq NE kaha....

Zindagi aik bhojh hai

8. Kante NE kaha ......

Zindagi aik chuban hai

9. Doulat mand NE kaha....

Zindagi aish ka naam hai.

10. Mariez NE kaha....

Zindagi roog hai.

11. Tamash beenoon NE kaha

Zindagi aik khail hai.

12. Bakhari NE kaha.....

Zindagi muqadar ki dain hai

13. Actor NE kaha .....

Zindagi aik darama hai.

14. Student NE kaha .....

Zindagi rooz school aane ka naam hai.

Magar mere Dil se Awaaz aaie........ .

Zindagi TU RAB ki Bandagi ka naam hai