Nabi ki yaad say roshan mayray dil ka nagina he
Wo mayray dil mean rehtay heyn mayra dil bhi madina he
Madinay ki judaii meyn sulagta mayra seena he
Parrha huun duur teba say yay jeena keisa jeena he
Nabi ki aal ka sadqa jahaan ki nay'matayn maango
Khuda say maangnay ka yay barrha achha qareena he
Jhukoon kyun gheyr kay dar par kisi say bhik kyun maangun
Mayray daaman meyn ishqay sarwaray deen ka khazeena he
Nazar afroz he ranginiay fardos ki laykin
Jo taskinay dil o jaan he wo aqa ka madina he
Hamay khatra nahiin koii niazi duub janay ka, Kay
ham jis meyn heyn betthay wo muhammd ka qareena he
No comments:
Post a Comment